baydin obrador bilen téléfonlashti
amérika qoshma ishtatliri pirézidénti jo baydin, washingtonning méksikagha jenubiy chégradiki herqandaq bir dölet emes, özi bilen tengdash bir dölet dégen köz bilen qaraydighanliqini bildürdi.
1593174
türkiye awazi radiyosi xewiri: pirézidént jo baydin bilen méksika pirézidénti andrés manuél lopéz obradorning sin körünüshlük téléfon söhbitide, ikki dölet munasiwiti we ortaq köngül bölidighan mesililer muzakire qildi.
jo baydin méksika bilen bolghan munasiwetning muhimliqigha isharet qilip: «biz méksikagha jenubiy chégradiki herqandaq bir dölet emes, belki özimiz bilen tengdash bir dölet dégen köz bilen qaraymiz, siler biz bilen tengpung orunda turusiler, silerning qilghan ishliringlar gherbiy yérim sharning körünüshige körünerlik tesir körsitidu» dédi.
baydin özining muawin pirézidéntliqi mezgilide élip barghan 16 qétimliq latin amérikasi ziyaritining tötini miksikagha qaratqanliqini bayan qilip, özining bu döletning xelqi we qurulmisi heqqide melumatqa ige ikenlikini qeyt qildi.
u sözini dawamlashturup: «amérika bilen méksika bille turghanda téximu küchlük bolidu, biz bir - birimizge nisbeten mukemmel qoshnilardin emes iduq, emma hemkarlashsaq téximu bixeter bolimiz» dédi.
مۇناسىۋەتلىك خەۋەرلەر
pelestinning yéngi kabénti testiqlandi
pelestinning yéngi bash ministiri muhemmed mustafa kabéntini dölet reisi mehmut abbasqa sundi.