esed hakimiyiti israiliyening demeshqqe hawadin hujum qilghanliqini ilgiri sürdi

türkiye awazi radiyosi xewiri: beshshar esed hakimiyitining xewer agéntliqi — sana, herbiy menbelerdin alghanliqini ilgiri sürgen xewiride, israiliyening shu yer waqti saet 22 din 16 minut ötkende ishghaliyet astidiki golan égizliki yönilishidin demeshq sheher merkizi etrapidiki bir qisim hakimiyet nuqtilirigha hawadin hujum qilghanliqini ilgiri sürdi.

adem ölüsh yaki körülgen maddiy ziyanlar heqqide melumat bérilmigen xewerde, «hawa mudapie sistémimiz düshmen bashqurulidighan bombilirigha taqabil turup, köpinchisini pachaqlap tashlidi» dégen ibarilerge orun bérildi.

israiliye terep bu toghrida héchqandaq bayanat élan qilmidi.

paytext demeshqte , hakimiyet armiyesidin bashqa, iran inqilab muhapizetchilirining qomandanliqi astidiki chet ellik térrorluq guruppilirigha tewe herbiy orunlar bar.

beshshar esed hakimiyiti, israiliyening 15 - féwralda demeshqqe, 4 - féwralda döletning jenubidiki kuneytira wilayitige, 13 – yanwarda süriyening sherqidiki deyr ezzorgha, 7 – yanwarda paytext demeshqning jenubigha, 2020 – yili 30 – dékabirda demeshqning gherbi yaqisidiki nebi habil rayonigha hawadin hujum qilghanliqini ilgiri sürgenidi.