yawropa ittipaqi wénézuéla wekilini «xalanmighan adem» dep jakarlidi

yawropa ittipaqi)wénézuélaning yawropa ittipaqida turushluq diplomatik wekili bash elchi klawdiya salérno kaldérani «xalanmighan adem dep élan qildi.

1591147
yawropa ittipaqi wénézuéla wekilini «xalanmighan adem» dep jakarlidi

türkiye awazi radiyosi xewiri: yawropa ittipaqi tashqi munasiwetler we xewpsizlik siyasetliri ali wekili josép borrélning ishxanisi bayanat élan qilip, bu qararning wénézuélaning yawropa ittipaqi wekili toghrisida chiqarghan qararigha mas qedemde chiqirilghanliqini uqturdi.

bayanatta: «yawropa ittipaqi, wénézuélaning qararini pütünley adaletsiz hemde yawropa ittipaqining üchinchi döletler bilen bolghan munasiwet we hemkarliqni tereqqiy qildurush nishanigha zit dep qaraydu» dégen ibarilerge orun bérildi.

yawropa kéngishi 2 - ayning 23- kün bayanat élan qilip, wénézuélaning 19 emeldarigha «démokratiye we kishilik hoquqqa ziyan salghan»liqi üchün jaza yürgüzüshning qarar qilinghanliqini uqturghanidi.

wénézuéla tashqi ishlar ministiri jorj arréza yawropa ittipaqining dölitidiki wekilini «xalanmighan kishi» dep élan qilip, bu qararning yawropa ittipaqining wénézuéla emeldarlirigha jaza yürgüzgenliki üchün chiqirilghanliqini jakarlighanidi.

2020- yili 6- ayning 29- küni pirézidént nikolas maduro hökümiti, yawropa ittipaqining wénézuélada turushluq emeldarini «xalanmighan adem» dep élan qilip, arqidin qararini qayturuwalghanidi.


خەتكۈچ: #diplomat , #wénézuéla , #yawropa

مۇناسىۋەتلىك خەۋەرلەر