йавропа иттипақи венезуела вәкилини «халанмиған адәм» дәп җакарлиди

түркийә авази радийоси хәвири: йавропа иттипақи ташқи мунасивәтләр вә хәвпсизлик сийасәтлири али вәкили җосеп боррелниң ишханиси байанат елан қилип, бу қарарниң венезуеланиң йавропа иттипақи вәкили тоғрисида чиқарған қарариға мас қәдәмдә чиқирилғанлиқини уқтурди.

байанатта: «йавропа иттипақи, венезуеланиң қарарини пүтүнләй адаләтсиз һәмдә йавропа иттипақиниң үчинчи дөләтләр билән болған мунасивәт вә һәмкарлиқни тәрәққий қилдуруш нишаниға зит дәп қарайду» дегән ибариләргә орун берилди.

йавропа кеңиши 2 - айниң 23- күн байанат елан қилип, венезуеланиң 19 әмәлдариға «демократийә вә кишилик һоқуққа зийан салған»лиқи үчүн җаза йүргүзүшниң қарар қилинғанлиқини уқтурғаниди.

венезуела ташқи ишлар министири җорҗ арреза йавропа иттипақиниң дөлитидики вәкилини «халанмиған киши» дәп елан қилип, бу қарарниң йавропа иттипақиниң венезуела әмәлдарлириға җаза йүргүзгәнлики үчүн чиқирилғанлиқини җакарлиғаниди.

2020- йили 6- айниң 29- күни пирезидент николас мадуро һөкүмити, йавропа иттипақиниң венезуелада турушлуқ әмәлдарини «халанмиған адәм» дәп елан қилип, арқидин қарарини қайтурувалғаниди.