amérika süriyediki bir jaygha hawadin hujum qilghanliqini bildürdi

türkiye awazi radiyosi xewiri: amérika dölet mudapie ministirliqi­ — péntagon (beshburjeklik bina) bayanatchisi jon kirbi bu heqte bayanat bérip: «pirézidént jo baydinning buyruqigha asasen, amérika armiyesi süriyening sherqidiki iran himayisidiki qoralliq guruppilar ishlitiwatqan bir jaygha hawadin hujum qildi» dédi.

kirbi bu hujumning yéqinqi mezgillerde iraqta yüz bergen rakétamiyot hujumliridin intiqam élish meqsitide qilinghan qayturma hujum ikenlikini bayan qilip: «bu hujum xususen ketaib hizbullah we ketaib seyyid eshshuheda qatarliqlarni öz ichige alghan iran hamiyliqidiki guruppilarning chégra tekshürüsh nuqtisidiki nurghun yerlirini weyran qilip tashlidi» dégenlerni qeyt qildi.

hujumning daésh térrorluq teshkilatigha qarshi ittipaqdash döletler bilen kéngiship élip bérilghanliqini bildürgen kirbi, iraq we süriyening omumiy weziyitini keskinleshtürmeslik üchün hujumning muwazinetlik shekilde élip bérilghanliqini eskertti.