pirézidént baydin seudi erebistan padishahi selman bilen körüshti

amérika pirézidénti jo baydin seudi erebistan padishahi selman bin abduleziz bilen téléfonda körüshüp, ikki dölet munasiwetlirini muzakire qildi.

1591137
pirézidént baydin seudi erebistan padishahi selman bilen körüshti

türkiye awazi radiyosi xewiri: aqsaray pirézidént jo baydinning seusi erebistan padishahi selman bin abduleziz bilen téléfonda körüshkenliki toghrisida bayanat élan qildi.

ikki rehberning rayonluq xewpsizlik mesililirini muzakire qilghanliqi bildürülgen bayanatta, bu dairide, yemendiki ichki urushni axirlashturush üchün b d t bilen amérika teripidin élip bériliwatqan yéngilanghan diplomatik tirishchanliqlar we iranning qollishi astidiki guruppilarning hujumlirigha qarshi seudi erebistanning qoghdilishi mesililiride, amérikaning qetiy qarargha ige ikenlikining tekitlengenliki qeyt qilindi.

bayanatta, amérikaning seudi erebistanliq siyasiy aktiplarning qoyup bérilishige ijabiy qarshi alghanliqidin bésharet bérilgenliki eskertilish bilen birge, mundaq déyildi:

«pirézidént baydin amérikaning dunyawi kishilik hoquq we qanunning muqeddeslikige alahide ehmiyet béridighanliqini yene bir qétim tekitlidi.»

baydinning padishah selmangha, ikki terep munasiwetlirini téximu köchlük we ochuq-ashkariliqqa ige qilish üchün tirishidighanliqi toghrisida wede bergenliki qeyt qilinghan bayanatta, ikki rehberning ortaq menpeet we endishe mesililiride birlikte tirishish üchün pikir birliki hasil qilghanliqi bildürüldi.

amérika tashqi ishlar ministiri antoni blinkénmu seudi erebistan tashqi ishlar ministiri faysal bin ferxan el suud bilen téléfonda körüshti.

amérika tashqi ishlar ministirliqining körüshüshke munasiwetlik élan qilghan bayanatida: «ministir blinkén bilen ministir faysal bin ferxan el suud seudi erebistanning qanun we sot islahatliri qatarliq kishilik hoquq mesililiride qolgha keltürgen ilgirileshlerni, seudi erebistanning qoghdilishi üchün ashurulghan ortaq tirishchanliqlirimizni muzakire qildi» déyildi.

bayanatta, ikki ministirning yene, yemendiki urushni axirlashturush, rayonluq xewpsizlik, térrorluqqa qarshi küresh we iqtisadiy tereqqiyat mesililirinimu muzakire qilghanliqi eskertildi.



مۇناسىۋەتلىك خەۋەرلەر