kirémil erméniyediki özgirishler toghrisida bayanat élan qildi

türkiye awazi radiyosi xewiri: erméniye bash ministiri nikol pashinyan özini istépa bérishke chaqirghan bash ishtab bashliqini wezipidin élip tashlidi.

erméniye bash ishtab bashliqi we barliq yuqiri derijilik qomandanlar bayanat élan qilip, bash ministir pashinyanni istépa bérishke chaqirdi.

bayanatta, pashinyan hökümitining halqiliq, shundaqla yéterlik qararlarni chiqiralmaydighanliqi we buninggha qadir emesliki qeyt qilindi.

erméniye bash ministiri armiyening istépa bérish chaqiriqini «siyasiy özgirish» dep atap, qollighuchilirini kochigha chiqip namayish qilishqa chaqirdi.

rusiye pirézidéntliq mehkimisi — kirémil bu heqte bayanat élan qilip, eriwandiki özgirishlerning endishe ichide  közitiliwatqanliqini, rusiye pirézidénti wiladimir putin bilen pashinyanning téxi alaqilashmighanliqini we zörür tépilghanda alaqe ornitish üchün kéreklik orunlashturushlarning qilinghanliqini uqturdi.

kirémil sariyi bayanatchisi dimitriy péskow teripidin élan qilinghan bayanatta: «erméniyediki özgirishlerni közitiwatimiz. biraq, yüz bergen ish erméniyening ichki ishlar mesilisi. biz erméniyediki hemmeylenni mötidil bolushqa chaqirimiz, weziyet choqum asasiy qanun ramkisidin chiqip ketmesliki kérek» dégenlerni qeyt qildi.