iran qoyuldurulghan uzan zapisini köpeytken

xelqaraliq atom énérgiyesi agéntliqi (UAEA) iranning %20 nisbette qoyuldurulghan 17.6 kilogiram uran ishlepchiqarghanliqini bildürdi.

1589631
iran qoyuldurulghan uzan zapisini köpeytken

türkiye awazi radiyosi xewiri: xelqaraliq atom énérgiyesi agéntliqi 16-féwral (2021) eza döletler bilen ortaqlashqan doklatta, téhran hökümitining ilgiri élan qilghandek %20 nisbette qoyuldurulghan uran ishlepchiqarghanliqini bildürdi.

doklatqa asaslanghanda, iran qoyuldurulghan uran zapisini 2-noyabir (2020) da bildürülgen texminen 2 ming 442 kilogiramdin 2 ming 968 kilogiramgha chiqarghan.

doklatta: «agéntliq iran teripidin bildürülmigen bir nuqtida, uqturulmighan yadro matériyallirining bolushi mumkinliki mesiliside chongqur qayghurmaqta. yadro matériyalliri iranning bixeterlik tekshürüshi kélishimi dairiside bildürülüshi kérek» déyildi.

2015-yili imzalanghan yadro kélishimi, iranning 202.8 kilogiramliq uran zapisi saqlishigha we %3.67 giche uran qoyuldurushigha ruxset qilidu. mushu boyiche hésablighanda, iran yadro kélishimi ruxset qilghan qoyuldurulghan uran zapisidin texminen 15 hesse köp miqdargha ige.

amérika tashqi ishlar ministirliqi bayanatchisi néd prays (Ned Price) xelqara atom énérgyesi agéntliqining doklatini tilgha élip, xelqara atom énérgyesi agéntliqi teptishige alahide tekshürüsh ruxsiti bergen qoshumche kélishimni toxtatqan iranning xata nishanda ikenlikini we yadro mesilisidiki cheklimilerdin yiraqlashqanliqini éytti.

u: «bizning meqsitimiz amérika bilen iranni yadro kélishimidiki mesuliyetlirini ada qilidighan bir netijige érishish. biraq, bésilghan qedemler xata terepke qarap kétiwatidu» dédi.



مۇناسىۋەتلىك خەۋەرلەر