еквадорда тәң бирла вақитта 3 түрмидә топилаң чиқип, 67 мәһбус қаза қилди
җәнубий америка дөлити еквадордики түрмиләрдә йүз бәргән топилаңларға сақчиларниң арилишиши нәтиҗисидә, қаза қилған мәһбусларниң сани 67 гә йәтти.
түркийә авази радийоси хәвири: алақидар мәсулларниң еквадор мәтбуатлириға бәргән байанатида, түрмидики топилаңниң җинайәтчи шайкилар оттурисидики рәһбәрлик җедилидин келип чиққанлиқини вә түнүгүн әтигәндә охшимиған 3 шәһәрдики түрмиләрдә тәң бирла вақитта башланғанлиқини билдүрди.
алақидар тармақлар гуайаквил, куенка вә латакунга түрмилиридики топилаңда қаза қилған мәһбуслар саниниң 67 гә йәткәнликини әскәртти.
иҗтимаий таратқуларда тарқалған көрүнүшләрдә, бир қисим мәһбусларниң каллисиниң кесип ташланғанлиқи илгири сүрүлмәктә.
пирезидент ленин морено тивиттердики байанатида, «дөләтниң һәр қайси түрмилиридә җинайәтчи шайкилар бирла вақитта зораванлиқ һәрикити қозғиди. бихәтәрлик қисимлири гайакуил, куенка вә латакунга түрмилиридә бихәтәрликни қайта әслигә кәлтүрүш үчүн контроллуқ шәкилдә һәрикәткә өтти» деди.
