nigériyede yüz bergen térrorluq hujumida 10 kishi qaza qilip, 47 kishi yarilandi

gherbiy afriqa döliti nigériyening borno ölkiside oxshimighan üch yerde yüz bergen shiddetlik partilashlar we qoralliq hujumlarda 10 kishi qaza qilip, 47 kishi yarilandi.

1589565
nigériyede yüz bergen térrorluq hujumida 10 kishi qaza qilip, 47 kishi yarilandi

türkiye awazi radiyosi xewiri: döletlik taratqularning xewirige asaslanghanda, borno ölkisining mayduguri shehiride gwangé, bulabulin we kaléri qatarliq rayonlarda shiddetlik partilash we qoralliq hujumlar yüz bergen. hujum we partlashlarda 10 kishi qaza qilip, 47 kishi yarilanghan.

hökümet dairiliri partilash yüz bergen rayonlargha bixeterlik qisimlirining ewetilgenlikini we weqege qarita tekshürüshning bashlanghanliqini bildürdi.

térorluq teshkilati boko haram rayonda pat pat oxshash hujumlarni qilip kelmekte.

yene bir tereptin, nigériye armiyesi borno ölkisige qarashliq marté rayonida élip barghan heriketliride boko haramning kontrolluqidiki rayonni tartip aldi.

herikette nurghun térrorchilar ujuqturuldi we bezi térrorchilar yarilanghan halda qachti.



مۇناسىۋەتلىك خەۋەرلەر