kilimat özgirishi zorawanliq we toqunushlarning köpiyishigimu seweb bolidu

b d t bash katipi antoniyo gutérrs kilimat özgirishining muqimsizliq, zorawanliq we toqunushlarni köpeytishi mumkinliki toghrisida agahlandurdi.

1589738
kilimat özgirishi zorawanliq we toqunushlarning köpiyishigimu seweb bolidu

türkiye awazi radiyosi xewiri: b d t bash katipi antoniyo gutérrs xewpsizlik kéngishining féwral éyidiki nöwetchi reis döliti engliye teripidin ötküzülgen we bash wezir bashchiliq qilghan aliy rehberler yighinigha qatniship, ötkenki 10 yilning insaniyet tarixidiki eng issiq yilliri bolghanliqini bildürdi.

u yer sharining issishining kirizislarni köpeytidighanliqi toghrisida agahlandurup: «kilimat özgirishi deryalarni qurutqan, hosulni azaytqan, muhim ul-eslihelerni weyran qilghan we kishilerni yurt-makanliridin ayrilishqa mejburlighan jaylarda, muqimsizliq we toqunush xeterlirimu köpiyidu» dédi.

u urush we toqunushlar yüz bergen 10 dölet ichide sekkizining kilimat özgirishige duch kelgenlikini eskertip, gherbiy afriqa we sahil rayonlirida 50 milyondin artuq kishining charwichiliq bilen shughullinidighanliqini, yaylaqlardiki özgirishlerning padichilar bilen déhqanlar otturisida barghanséri köpiyiwatqan zorawanliqlargha seweb boluwatqanliqini qeyt qildi.

u dunya miqyasida kilimat özgirishi sewebidin yurt-makanliridin ayrilshining alliburun bashlinip bolghanliqini bildürdi.

u 2050-yilighiche karbon sümürüsh miqdarini 0 ge chüshürüsh nishanigha yétish üchün heqiqiy türdiki dunya hemkarliqigha éhtiyajliq ikenliklirini tekitlep, tereqqiy qilghan döletlerni töwen kirimlik döletlerning kilimat özgirishige qarshi kürishige we karbon sümürüshni azaytishigha yardem qilip, her yili 100 milyard dollar ajritish wediside turushqa chaqirdi.



مۇناسىۋەتلىك خەۋەرلەر