килимат өзгириши зораванлиқ вә тоқунушларниң көпийишигиму сәвәб болиду

түркийә авази радийоси хәвири: б д т баш катипи антонийо гутеррс хәвпсизлик кеңишиниң феврал ейидики нөвәтчи рәис дөлити әнглийә тәрипидин өткүзүлгән вә баш вәзир башчилиқ қилған алий рәһбәрләр йиғиниға қатнишип, өткәнки 10 йилниң инсанийәт тарихидики әң иссиқ йиллири болғанлиқини билдүрди.

у йәр шариниң иссишиниң киризисларни көпәйтидиғанлиқи тоғрисида агаһландуруп: «килимат өзгириши дәрйаларни қурутқан, һосулни азайтқан, муһим ул-әслиһәләрни вәйран қилған вә кишиләрни йурт-маканлиридин айрилишқа мәҗбурлиған җайларда, муқимсизлиқ вә тоқунуш хәтәрлириму көпийиду» деди.

у уруш вә тоқунушлар йүз бәргән 10 дөләт ичидә сәккизиниң килимат өзгиришигә дуч кәлгәнликини әскәртип, ғәрбий африқа вә саһил районлирида 50 милйондин артуқ кишиниң чарвичилиқ билән шуғуллинидиғанлиқини, йайлақлардики өзгиришләрниң падичилар билән деһқанлар оттурисида барғансери көпийиватқан зораванлиқларға сәвәб болуватқанлиқини қәйт қилди.

у дунйа миқйасида килимат өзгириши сәвәбидин йурт-маканлиридин айрилшиниң аллибурун башлинип болғанлиқини билдүрди.

у 2050-йилиғичә карбон сүмүрүш миқдарини 0 гә чүшүрүш нишаниға йетиш үчүн һәқиқий түрдики дунйа һәмкарлиқиға еһтийаҗлиқ икәнликлирини тәкитләп, тәрәққий қилған дөләтләрни төвән киримлик дөләтләрниң килимат өзгиришигә қарши күришигә вә карбон сүмүрүшни азайтишиға йардәм қилип, һәр йили 100 милйард доллар аҗритиш вәдисидә турушқа чақирди.