bir qisim sherq döletliridiki yuqumgha alaqidar sanliq melumatlar töwendikiche:
dunya miqyasida kowid-19 sewebidin qaza qilghanlarning sani 2 milyon 496 ming 900 din éship ketti. yuqumlanghanlarning sani 112 milyon 660 minggha we eslige kelgenlerning sani 88 milyon 254 minggha yetti.
türkiye awazi radiyosi xewiri: hindistanda yuqum sewebidin yéqinqi 24 saet ichide 100 kishi qaza qildi. 13 ming 463 kishi yuqumlandi. hindistanda yuqum sewebidin qaza qilghanlarning omumiy sani 156 ming 598 ge, yuqumlanghanlarning omumiy sani 11 milyon 29 ming 326 ge yetti.
yaponiyediki kowid-19 gha qarshi memliket miqyasida yolgha qoyulghan jiddiy haletni osaka, xiyogo, kyoto we aychi qatarliq ölgilerde muddettin burun bikar qilish telep qilindi.
israiliyede kowid-19 yuqumining mewjutluqini inkar qilghan we ammining wirusqa qarshi waksina emlinishige qarshi chiqqan bir doxturning bnéy brak shehiride klinika ichishi üchün bérilgen ruxset emeldin qalduruldi. derijidin tashqiri ortodoks yehudiylar zich olturaqlashqan we nopusi texminen 210 ming etrapida bolghan bnéy brak shehiride her 5 kishidin birsining kowid -19 bilen yuqumlanghanliqi hemmining diqqitini tartmaqta.
pelestin iqtisad ministiri xalid el useyli we hökümet bayanatchisi ibrahim elmulhemning kowid -19 bilen yuqumlanghanliqi bildürüldi. pelestinde yuqum sewebidin qaza qilghanlarning sani 3 minggha we yuqumlanghuchilarning sani 199 ming 769 ge yetti.
sénégal pirézidénti makkiy sal dölitining xeliarliq waksina programmisi (COVAX) gha kirgüzülgenlikini, emma bu jeryanning nahayiti asta méngiwatqanliqini bildürüp, «tereqqiy tapqan döletlerde waksina emlesh xizmetliri bashlinip bolghan bir weziyette, pirézidént bolush süpitim bilen (COVAX) waksinalirini kütüp turaylayttim» dédi we xitay ishlepchiqarghan tunji waksina sinofarm bolghanliqi üchün uni élishni tallighanliqini éytti.
