yehudiy yashlarning asasliq köp qismining pelestinliklerdin nepretlinidighanliqi otturigha chiqti
israiliyede élip bérilghan bir ray sinash netijiside, yehudiy yashlarning asasliq köp qismining israiliye puqraliqigha ige pelestinliklerni öch köridighanliqi we ularning dölettin ayrilishini telep qilidighanliqi otturigha chiqti.
türkiye awazi radiyosi xewiri: ishghaliyet astidiki sherqiy quddus turushluq ibraniy unwérsititi 16 yashtin 18 yashqiche bolghan 1100 yashning qétilishi bilen élip bérilghan jamaet pikiri tekshürüsh netijisini élan qildi.
ötken yili 5-aydin 7-ayghiche élip bérilghan tekshürüshke asaslanghanda, ray sinashqa qatnashqan derijidin tashqiri ortodokis yehudiy yashlirining 66% i, dindar yehudiylarning %42 i, sékolar yehudilarning %24 i israiliye puqraliqigha ige pelstinliklerni öch köridighanliqini éytqan.
buningdin bashqa yene, derijidin tashqiri ortodokis yehudiylarni öz ichige alghan dindar israiliyeliklerning %49 i we sékolar yehudilarning %23 i pelestinliklerning israiliye puqraliqidin chiqirip tashlinishi kéreklikini qollaydighanliqini bildürüshken.
israiliyelik sékular yehudiy yashlirining 23% i bolsa, derijidin tashqiri ortodokis yehudiyladinmu nepretlinidighanliqlirini éytqan.
israiliye puqraliqigha ige pelestinliklerning sani 1 milyon 900 ming etrapida bolup, israiliye omumiy nopusning texminen %21 ni teshkil qilidu.
israiliye puqraliqigha ige pelestinliklerge wekillik qilidighan partiyelerdin terkib tapqan birleshme ereb tizimliki guruppisining 120 kishilik parlaméntta 15 parlamént ezasi bar.
