يەھۇدىي ياشلارنىڭ ئاساسلىق كۆپ قىسمىنىڭ پەلەستىنلىكلەردىن نەپرەتلىنىدىغانلىقى ئوتتۇرىغا چىقتى

تۈركىيە ئاۋازى رادىيوسى خەۋىرى: ئىشغالىيەت ئاستىدىكى شەرقىي قۇددۇس تۇرۇشلۇق ئىبرانىي ئۇنۋېرسىتىتى 16 ياشتىن 18 ياشقىچە بولغان 1100 ياشنىڭ قېتىلىشى بىلەن ئېلىپ بېرىلغان جامائەت پىكىرى تەكشۈرۈش نەتىجىسىنى ئېلان قىلدى.

ئۆتكەن يىلى 5-ئايدىن 7-ئايغىچە ئېلىپ بېرىلغان تەكشۈرۈشكە ئاساسلانغاندا، راي سىناشقا قاتناشقان دەرىجىدىن تاشقىرى ئورتودوكىس يەھۇدىي ياشلىرىنىڭ 66% ى، دىندار يەھۇدىيلارنىڭ %42 ى، سېكولار يەھۇدىلارنىڭ %24 ى ئىسرائىلىيە پۇقرالىقىغا ئىگە پەلستىنلىكلەرنى ئۆچ كۆرىدىغانلىقىنى ئېيتقان.

بۇنىڭدىن باشقا يەنە، دەرىجىدىن تاشقىرى ئورتودوكىس يەھۇدىيلارنى ئۆز ئىچىگە ئالغان دىندار  ئىسرائىلىيەلىكلەرنىڭ %49 ى ۋە  سېكولار يەھۇدىلارنىڭ %23 ى پەلەستىنلىكلەرنىڭ ئىسرائىلىيە پۇقرالىقىدىن چىقىرىپ تاشلىنىشى كېرەكلىكىنى قوللايدىغانلىقىنى بىلدۈرۈشكەن.

ئىسرائىلىيەلىك سېكۇلار يەھۇدىي ياشلىرىنىڭ 23% ى بولسا، دەرىجىدىن تاشقىرى ئورتودوكىس يەھۇدىيلادىنمۇ نەپرەتلىنىدىغانلىقلىرىنى ئېيتقان.

ئىسرائىلىيە پۇقرالىقىغا ئىگە پەلەستىنلىكلەرنىڭ سانى 1 مىليون 900 مىڭ ئەتراپىدا بولۇپ، ئىسرائىلىيە ئومۇمىي نوپۇسنىڭ تەخمىنەن %21 نى تەشكىل قىلىدۇ.

ئىسرائىلىيە پۇقرالىقىغا ئىگە پەلەستىنلىكلەرگە ۋەكىللىك قىلىدىغان پارتىيەلەردىن تەركىب تاپقان بىرلەشمە ئەرەب تىزىملىكى گۇرۇپپىسىنىڭ 120 كىشىلىك پارلامېنتتا 15 پارلامېنت ئەزاسى بار.