amérika we yawropa ittipaqining émbargoliri wénézuélagha 30 milyard dollardin artuq ziyan saldi
wénézuéla pirézidénti nikolas maduro amérika we yawropa ittipaqi yürgüzgen émbargolarning dölitidiki kowid -19 gha qarshi küreshni qiyinlashturghanliqini élan qildi.
türkiye awazi radiyosi xewiri: pirézidént nikolas maduro b d t kishilik hoquq kéngishining 46- nöwetlik yighinida sözligen sinliq nutuqida, dölitige yürgüzülgen émbagolar terepke hemmining diqqitini tartti.
amérika we yawropa ittipaqining wénézuélagha 450 din artuq bir tereplime émbargo yürgüzgenlikini tilgha alghan maduro, bu émbagolarning kowid -19 krizisining sehiye sahesige we iqtisadiy sahalerge körsitidighan tesirige qarshi wénézuéla hökümiti élip bériwatqan küreshlerge cheklime peyda qilghanliqini tekitlidi.
maduro: «émbargolar 30 milyard dollardin artuq ziyan yetküzdi, bu pullarni kowid -19 gha qarshi küreshke ishletkili bolatti» dédi.
maduro émbargolarning peqet qanunsiz bolupla qalmay, öz nöwitide yene insanperwerlik krizisinimu keltürüp chiqarghanliqini tekitlep, émbargolargha qarimastin, hökümet teminligen ijtimaiy kapalet we heqsiz sehiye xizmetliri sistémisi sayisida kowid -19 ning tesirini muweppeqiyetlik halda kontirolluq astigha alalighanliqini éytti.
wénézuéla rusiyedin zakas qilinghan «sputnik V» namliq kowid -19 waksinisining tunji 100ming tablitini 13-féwralda tapshurup alghan bolup, waksina emlesh xizmetlirining mushu hepte bashlinishi mölcherlenmekte.
wénézuélada hazirghiche wuxen wirusi sewebidin 1320 kishi qaza qilip, 136 ming 545 kishi yuqumlandi.
