firansiyede jamening témigha hujum qilish weqesi tüz berdi
firansiyede qurulushi dawamlishiwatqan eyup sultan jamesining témigha islamgha qarshi sözlerni yézish arqiliq hujum qilindi.
türkiye awazi radiyosi xewiri: islam jemiyiti milliy tesewwuri (IGMG) gha tewe jamening ijtimaiy alaqe hésabida élan qilinghan bayanatta, jamening témigha «islamgha yaq, dölitingge qaytish!» dep yézilghanliqi bildürüldi.
islam jemiyiti milliy tesewwuri (IGMG) teripidin élan qilinghan bayanatta, «bu weqe firansiyening bügünki ziyanliq muhitini ekis ettürüp béridu» déyildi.
eyup sultan jamesi qurulushi tamamlanghanda yawropa boyiche eng chong jamege aylinidu.
osmanli binakarliq senetige asasen 15 mo yerge yasiliwatqan bu jame 3000 kishilik ibadet orni, yighin zali, mektep, kutupxana, oqutquchilar öyi, réstoran we hediyelik boyumlar dukini qartarliqlarni öz ichige alidu, jamening yene 600 aptomobil sighimchanliqigha ige mashina toxtitish meydani we wélisipit saqlash orni bolidu.
strasburgning diniy, binakarliq we medeniyet köp xilliqigha özgiche reng qoshush aldida turghan bu jamening 44 métir égizliktiki qosh munaridin bashqa yene, asasliq chong gümbizining etrapida 27 kichik gümbizimu bolidu.
