dunyada wirus sewebidin jénidin ayrilghanlar 2 yérim milyongha yéqinlashti

dunyada wuxen wirusi (Kovid-19) sewebidin jénidin ayrilghanlar sani 2 milyon 478 ming 760 tin, yuqumlanghanlar sani 111 milyon 988 mingdin we salametliki yaxshilanghanlar sani 87 milyon 351 mingdin ashti.

1588252
dunyada wirus sewebidin jénidin ayrilghanlar 2 yérim milyongha yéqinlashti

türkiye awazi radiyosi xewiri: wuxen wirusi sewebidin 511 ming 133 kishi jénidin ayrilghan amérikada, yuqumlanghanlar sani 28 milyon 765 ming 423 tin ashti.

engliyede yéqinqi 24 saette wuxen wirusi sewebidin 215 kishi jénidin ayrildi, 9 ming 834 kishi yuqumlandi. dölette wuxen wirusi sewebidin jénidin ayrilghanlarning jemiy sani 120 ming 580 ge, yuqumlanghanlar sani 4 milyon 115 ming 509 gha chiqti.

italiyede yéqinqi 24 saette wuxen wirusi sewebidin 232 kishi jénidin ayrildi we jemiy san 95 ming 718 ge chiqti. oxshash waqitta, 13 ming 452 kishi yuqumlandi we jemiy san 2 milyon 809 ming 246 ge chiqti.

firansiyede yéqinqi 24 saette 160 kishi jénidin ayrildi we jemiy san 84 ming 306 ge chiqti. oxshash waqitta, 22 ming 46 kishi yuqumlandi we jemiy san 3 milyon 605 ming 181 ge chiqti.

asiya qiteside wuxen wirusining eng éghir tesirige uchrighan hindistanda yéqinqi 24 saette 72 kishi jénidin ayrildi, 13 ming 704 kishi yuqumlandi. buning bilen, wirus sewebidin jénidin ayrilghanlarning jemiy sani 156 ming 418 ge, yuqumlanghanlarning jemiy sani 11 milyon 5 ming 850 ke chiqti.

afriqa qiteside wuxen wirusi sewebidin jénidin ayrilghanlarning sani 101 mingdin ashti. jemiy yuqumlanghanlar sani bolsa, 3 milyon 850 ming 713 ke chiqti.

afriqa qiteside wuxen wirusi bilen yuqumlanghanlar sani jehette jenubiy afriqa, marakesh, tunis, misir, éfiyopiye we nigériye aldinqi orunda turdi. riwanda, marakesh, aljiriye, misir, séyshél aralliri, mawritiyus we ékwador qatarliq döletler keng kölemlik waksina emleshni bashlidi.

yaponiyede wuxen wirusi sewebidin 7 ming 417 kishi jénidin ayrildi, 424 ming 507 kishi yuqumlandi. aliy mekteplerde oquwatqan 5 ming 800 oqughuchining 2020-yili apréldin dékabirghiche bolghan mezgilde wuxen wirusi sewebidin oqushtin toxtighanliqi yaki chékingenliki bildürüldi.


خەتكۈچ: #waksina , #wirus

مۇناسىۋەتلىك خەۋەرلەر