б д т деңизда қапселип қалған араканлиқлар үчүн чақириқ елан қилди

түркийә авази радийоси хәвири: б д т көчмәнләр алий комиссарлиқи андаман деңизида бир қолвақта қапселип қалған бир гуруппа араканлиқ мусулманниң қутқузевелиниши үчүн чақириқ елан қилди.

чақириқта, тәхминән 10 күн бурун баңладишниң кокс (Cox) базар шәһиридин йолға чиққан араканлиқларниң қолвақ моторида чиққан кашила түпәйлидин бир қанчә күндин буйан деңизда қалғанлиқи қәйт қилинди.

җан қутқузушниң алдинқи орунда туруши керәклики тәкитләнгән чақириқта, андаман деңизида қолвақта қапселип қалған араканлиқ мусулманларниң дәрһал қуруқлуққа чиқирилиши үчүн барлиқ һөкүмәт мәсуллириниң һәрикәткә өтүшиниң муһимлиқи тәкитләнди.

чақириқта, бир қанчә күн бурун су вә йемәк-ичмәкләр түгигән қолвақта, йеқинқи 24 саәттә җенидин айрилғанларниң барлиқи алаһидә әскәртилди.