xitayning 2 herbiy paraxoti yaponiye déngiz tewelikige ussup kirdi
xitayning déngiz sahili muhapizet etritige tewe 2 paraxoti talash-tartishliq sénkaku arili etrapidiki yaponiye déngiz tewelikige ussup kirdi.
türkiye awazi radiyosi xewiri: yaponiyening gherbiy jenubidiki okinawa ölkisige qarashliq naha rayonigha jaylashqan 11-rayon déngiz sahili muhapizet etriti qomandanliq merkizining bildürishiche, xitaygha tewe paraxotlar yaponiye déngiz tewelikige xilapliq qilip ussup kirgen.
talash-tartishliq sénkaku arili etrapida shu yerning waqti etigen saet 4:50 ötkende, xitay paraxotliri chégra tewelikige xilapliq qilghan halda kuba-jima arili etrapida béliq tutuwatqan yaponiyelik béliqchilarning kémilirige yéqinlashqan.
béliqchilar kémiliri rayongha yollanghan yaponiye déngiz sahili muhapizet etriti paraxotliri teripidin qoghdalghan.
xitay paraxotlirining rayondin derhal chiqip kétishi heqqide agahlandurush bérilgen.
déngiz sahili muhapizet etriti qomandanliq merkizining bildürishiche, xitay paraxotliri bu yil sénkaku arili etrapida hazirgh qeder jemiy 9 qétim yaponiye déngiz tewelikige ussup kirgen.