fésbuk bérma armiyesining uchur tarqitish hésabini emeldin qaldurdi

ijtimaiy taratqu shirkiti fésbuk herbiy siyasiy özgirish arqiliq xelq hakimiyitini tartiwalghan bérma armiyesige tewe resmiy uchur tarqitish hésabini emeldin qaldurdi.

1587598
fésbuk bérma armiyesining uchur tarqitish hésabini emeldin qaldurdi

türkiye awazi radiyosi xewiri: fésbuk élan qilghan bayanatida, «zorawanliqni küshkürtüp, tor béketning ölchemlirige köp qétim xilapliq qildi» dégen seweb bilen bérma armiyisige tewe «tatmadaw toghra xewer guruppisi» namliq hésabning öchürüp tashlanghanliqini bildürdi.

fésbuk mesullirining bayanatidin kéyin, hésab kirgili bolmaydighan halgha keltürüldi. herbiy hakimiyet mesulliri bu heqte  héchqandaq bayanat élan qilmidi.

fésbuk 12- féwralda maqullighan qarar arqiliq bérma armiyesige tewe hésablar hembehirligen uchurlarning ammigha tarqilishining aldini élish üchün tedbirlerni yolgha qoyghan idi.

yene bir tereptin, tünügün mandalay shehiride ötküzülgen namayishta, bixeterlik qisimlirining heqiqiy oq ishlitip qattiq mudaxile qilishi sewebidin qaza qilghanlarning sani 3 kishige yetti.

ismini ashkarilimighan bir pidaiy sehiye xadimi tünügünki qalaymiqanchiliqta ikki kishining qaza qilghanliqigha we xizmetdishiningmu qaza qilghanliqigha shahit bolghanliqini bayan qildi.

tünügün mandalaydiki namayishta bixeterlik qisimlirining ammigha oq chiqirishi netijiside, ikki kishi qaza qilip, alte kishi yarilanghan idi


خەتكۈچ: #bérma , #fésbuk

مۇناسىۋەتلىك خەۋەرلەر