donald tramp aqsaraydin ayrilghandin kéyin tunji qétim xelqqe xitab qilidighan boldi
amérikaning sabiq pirézidénti donald tramp aqsaraydin ayrilghandin kéyin tunji qétim xelqqe nutuq sözleydighan boldi.
türkiye awazi radiyosi xewiri: amérika siyasitini yéqindin közitip kéliwatqan«The Hill » xewerler tori, «tramp aqsaraydin ayrilghandin buyan tunji qétim xelqqe nutuq sözleydu» serlewhilik xewerge alahide orun ajratti.
donald trampning filorida shitatining orlando shehiride mushu ay ötküzülidighan konsérwatiplar siyasiy herikiti jemiyiti (CPAC) ning yilliq yighinida nutuq sözleydighanliqi bildürüldi, emma yighinning konkrét waqti heqqide éniq melumat bérilmidi.
bir qanche heptidin kéyin tunji qétim kaméra aldida söz qilmaqchi bolghan trampning démokratchilar partiyesining siyasiti we konsérwatiplar herikitining kelgüsi heqqide söz qilishi mölcherlenmekte.
amérika konsérwatiplar birleshmisi sahibxanliq qilidighan yighinda, trampning pilanlanghan nutuqida, bolupmu amérika pirézidénti jo baydénning kechürüm qilish siyasiti we chégra siyasetlirini hujum nishani qilidighanliqi mölcherlenmekte.
