mishél ruhani bilen téléfonlashti

charliz mishél iran prézidénti hesen ruhani bilen téléfonda söhbetleshti.

1586630
mishél ruhani bilen téléfonlashti

türkiye awazi radiyosi xewiri: yawropa ittipaqi kéngishi bashliqi charléz mishél, iran bilen xelqaraliq küchlerning yadro kélishimi söhbetlirini dawamlashturalishi üchün diplomatiyege boshluq échishning intayin muhim ikenlikini otturigha qoydi.

charliz mishél iran prézidénti hesen ruhani bilen téléfonda söhbetleshti.

yawropa ittipaqi kéngishi bayanat élan qilip, charliz mishél iran pirézidénti hesen ruhanining téléfonda körüshüp, «yadro kélishimi» dep atiliwatqan «birleshme uniwérsal heriket pilani» toghrisida pikir almashturghanliqini uqturdi.

bayanatta körsitilishiche, mishél yawropa ittipaqining kélishimning toluq ijra qilinishigha ehmiyet béridighanliqini tekitlep, iranning kélishimdiki wedisidin waz kéchishining kishini endishige salidighanliqini otturigha qoyghan.

u, xelqara atom énérgiyesi orgini bilen bolghan hemkarliqning muhimliqini tilgha élip: «ijabiy qedemler arqiliq qollap - quwwetlengen diplomatiyesahesini qoghdashning bu basquchta intayin muhim» ikenlikini tilgha alghan.

yawropa ittipaqining kélishimning toluq ijra qilinishi we amérika qoshma ishtatlirining kélishimige qaytip kélishi üchün dawamliq tirishidighanliqini bildürgen mishél, köp tereplimilik heriketler arqiliq yershari tinchliqini saqlap qalghili we iqtisadiy tereqqiyatni qolgha keltürgili bolidighanliqini sözlirige ilawe qilghan.

iran yadro kélishimi

«birleshme uniwérsal heriket pilani» namliq yadro kélishimi, iranning yadro herikitini nazaret qilish we qéliplashturush, buning bedilige jazaning bikar qilinishini közlep, 2015 - yili birleshken döletler teshkilati xewpsizlik kéngishining daimiy ezaliri — amérika, engliye, firansiye, rusiye we xitay, buningdin bashqa gérmaniye we yawropa ittipaqi bilen iran otturisida imzalanghanidi.

amérikaning sabiq pirézidénti donald tramp hakimiyet béshigha chiqqandin kéyin, washington kélishimdin chékinip, irangha jaza yürgüzüshke bashlighanidi.

kélishimge terep bashqa döletlerdin washingtonni toxtitishni telep qilip ünümge érishelmigen iran, 2019 – yili iyulda yadro kélishimining bezi maddilirini, 2020 – yili 5 – yanwarda kélishimde körsitilgen barliq ehdilirini tonglitip qoyghanliqini jakarlighanidi.


خەتكۈچ: #kélishim , #yadro , #yawropa , #iran

مۇناسىۋەتلىك خەۋەرلەر