béyjing tunji qétim hindistan - xitay chégra toqunushida eskerlirining ölgenlikini jezmleshtürdi

türkiye awazi radiyosi xewiri: xitay xelq azadliq armiyesining kündilik xewerler géziti, 2020 - yili 6 – ayda xitay – hindistan chégrasidiki galwan wadisida yüz bergen herbiy toqunush toghrisida xewer tarqitip: xitay bilen hindistanning chégra liniyeside yüz bergen toqunush toghrisida mundaq dédi: «2020 - yili 4 - aydin bashlap munasiwetlik chet el armiyesi köwrüklerni sélish we yollarni élish meqsitide chégra siziqidin ötüp, chégraning salahiyitini özgertip qesten awarichilik tughdurdi» dégenlerni qeyt qildi.

hindistan qisimlirining xitay armiyesining alaqe qilish üchün eetken eskerlirige oq chiqarghanliqi ilgiri sürülgen xewerde, weqede töt xitay eskirining ölgenlikige dairi uchurlargha orun bérildi.

xewerde, toqunushta ölgen eskerlerning isimlirining chin xongchün, chin shyangrong, shyaw siyüén we wang ku lan ikenliki élan qilindi.

shundaq qilip, xitay hökümiti tunji qétim chégra liniyesidiki toqunushta töt eskirining ölgenlikini jezmleshtürgen boldi.

2020 - yili 6 - ayda yüz bergen toqunushta 20 eskerining ölgenlikini, xitay 45 eskerning öltürülgen yaki yarilandurulghanliqini otturigha qoyghan, emma xitay bu dewalarni ret qilghanidi.

xitay diplomatiye ministirliqi bayanatchisi saw lichyén toqunushtin kéyin bayanat bérip, galwan wadisining xitaygha tewe ikenlikini ilgiri sürgen؛ xitay xelq azadliq armiyesi gherbiy sahe qomandanliq ishtabi bayanatchisi kang shüyli: «galwan wadisi rayonining igilik hoquqi herwaqit xitaygha tewe» dégenidi.

xitay dölet mudapie ministirliqi bayanatchisi wu chyen 10 - féwralda xitay we hindistan eskerlirining pangung kölidin birla waqitta özara masliship chékinishke bashlighanliqini élan qilghanidi.