бейҗиң тунҗи қетим һиндистан - хитай чегра тоқунушида әскәрлириниң өлгәнликини җәзмләштүрди
өткән йили йүз бәргән хитай – һиндистан чегра тоқунушида хитайниң төт әскириниң өлгәнлики җәзмләштүрүлди.
1586921
түркийә авази радийоси хәвири: хитай хәлқ азадлиқ армийәсиниң күндилик хәвәрләр гезити, 2020 - йили 6 – айда хитай – һиндистан чеграсидики галван вадисида йүз бәргән һәрбий тоқунуш тоғрисида хәвәр тарқитип: хитай билән һиндистанниң чегра линийәсидә йүз бәргән тоқунуш тоғрисида мундақ деди: «2020 - йили 4 - айдин башлап мунасивәтлик чәт әл армийәси көврүкләрни селиш вә йолларни елиш мәқситидә чегра сизиқидин өтүп, чеграниң салаһийитини өзгәртип қәстән аваричилик туғдурди» дегәнләрни қәйт қилди.
һиндистан қисимлириниң хитай армийәсиниң алақә қилиш үчүн әәткән әскәрлиригә оқ чиқарғанлиқи илгири сүрүлгән хәвәрдә, вәқәдә төт хитай әскириниң өлгәнликигә даири учурларға орун берилди.
хәвәрдә, тоқунушта өлгән әскәрләрниң исимлириниң чин хоңчүн, чин шйаңроң, шйав сийүен вә ваң ку лан икәнлики елан қилинди.
шундақ қилип, хитай һөкүмити тунҗи қетим чегра линийәсидики тоқунушта төт әскириниң өлгәнликини җәзмләштүргән болди.
2020 - йили 6 - айда йүз бәргән тоқунушта 20 әскәриниң өлгәнликини, хитай 45 әскәрниң өлтүрүлгән йаки йариландурулғанлиқини оттуриға қойған, әмма хитай бу дәваларни рәт қилғаниди.
хитай дипломатийә министирлиқи байанатчиси сав личйен тоқунуштин кейин байанат берип, галван вадисиниң хитайға тәвә икәнликини илгири сүргән؛ хитай хәлқ азадлиқ армийәси ғәрбий саһә қоманданлиқ иштаби байанатчиси каң шүйли: «галван вадиси райониниң игилик һоқуқи һәрвақит хитайға тәвә» дегәниди.
хитай дөләт мудапиә министирлиқи байанатчиси ву чйән 10 - февралда хитай вә һиндистан әскәрлириниң пангуң көлидин бирла вақитта өзара маслишип чекинишкә башлиғанлиқини елан қилғаниди.
مۇناسىۋەتلىك خەۋەرلەر
исраилийә ливанға һава һуҗуми қозғиди
исраилийә армийәси ливанниң җәнубиға кәң көләмлик һава һуҗуми қозғиди.
