birmada bir namayishchi jénidin ayrildi

birmadiki herbiy özgirish we xelq teripidin saylanghan hökümet ezalirining qolgha élinishigha qarshi ötküzülgen namayishlarda, bir namayishchi béshigha xewpsizlik qisimliri atqan plastik oqning tégishi sewebidin jénidin ayrildi.

1587001
birmada bir namayishchi jénidin ayrildi

türkiye awazi radiyosi xewiri: birma paytextide 2021-yili 9-féwral ötküzülgen namayishlarda bash qismidin éghir yarilanghan 20 yashliq mya swaté xeying (KhaingThwate Mya) doxturxanida qutquzush ünüm bermey jénidin ayrildi.

mya swaté xeying 2021- yili 6-féwraldin tartip dawamlishiwatqan herbiy özgirishke qarshi bashlanghan keng kölemlik namayishlarda xewpsizlik tarmaqlirining oq chiqirishi sewebidin jénidin ayrilghan birinchi namayishchi boldi.

birmada namayishlar dawamlishiwatqan peytlerde, herbiy hökümetning namayishlargha qarshi tedbirlerni kücheytip, sheherlerge téximu köp esker yötkewatqanliqi ilgiri sürüldi.

b d t musteqil mupettishi tom andjus (Tom Andrews) birma saqchilirining namayishlarning aldini élishta qiyniliwatqanliqini, shunga armiyedin yardem telep qilghanliqini bildürdi.

u birma armiyesining arakangha oxshash nopusi köp sheherlerge orunlishiwatqanliqini bildürüp: «birma xelqi armiyening néme qilalaydighanliqini bilidu. bu sewebtin, eskerlerni sheherge orunlashturush méni jiddiyleshtürüwatidu» dédi.

u xelqning herbiy özgirishke kütkendin qattiq inkas qayturghanliqini bildürüp, armiye weziyetke qol tiqqanda jiddiychilikning téximu küchiyishi mumkinlikini qeyt qildi.

birma armiyesi özige yéqin siyasiy guruppilarning 2020-yili 8-noyabir ötküzülgen saylamlarda saxtipezlik qilinghanliqini ilgiri sürüshi we dölette kücheygen jiddiychilik sewebidin 2021-yili 1-féwral hökümetni ötküzüwalghan idi.



مۇناسىۋەتلىك خەۋەرلەر