чадта қанлиқ тоқунуш йүз бәрди

түркийә авази радийоси хәвири: саламат райони әмәлдари мара маад, икки тәрәп оттурисидики тоқунушниң бир әскәрни өз ичигә алған 35 кишиниң өлүми билән ахирлашқанлиқини уқтурди.

тоқунушниң 15 - февралда башланғанлиқини байан қилған маад, районниң аманлиқиға капаләтлик қилиш үчүн бихәтәрлик қисимлириниң әвәтилгәнликини ейтти.

нойабирда дөләтниң җәнубидики каббийә районида мушуниңға охшаш тоқунуш йүз берип 22 адәм қаза қилғаниди.

чадниң җәнубидики деһқанлар билән көчмән чарвичилар оттурисида узун йиллардин буйан отлақ мәсилиси вә падиларниң терилғуларға зийан салғанлиқи илгири сүрүлүп қанлиқ тоқунушлар йүз берип кәлмәктә.