ughur shahin: yuqum aldimizdiki on yil boyiche mesile bolushni dawamlashturidu
wuxen wirusi (kowid – 19) waksinisini tetqiq qilip yasap chiqqan gérmaniye biyotéxnika shirkiti — ning qurghuchi shériki, piroféssor doktor ughur shahin yuqum we waksina toghrisida muhim söz qildi.
türkiye awazi radiyosi xewiri: wuxen wirusi (kowid – 19) waksinisini tetqiq qilip yasap chiqqan gérmaniye biyotéxnika shirkiti — <bionték> ning qurghuchi shériki, piroféssor doktor ughur shahin wirusning kelgüsi 10 yilda mesile bolushni dawamlashturidighanliqini bayan qilip: «biz 10 milyondin artuq ademni waksina bilen teminliduq, biraq yene qolgha keltürülidighan nurghun ishlar bar. waksinimizni pütkül dunyadiki insanlargha yetküzüshni xalaymiz» dédi.
dunya bankisi bilen xelqara pul fondi teshkilatining türk xizmetchiliri jemiyiti, <bionték> ning qurghuchisi ughur shahin we repiqisi doktor özlem türejining ishtirak qilishi bilen «tarqilishchan zukamni yéngishte xelqaraning hemkarliqi» dégen témida sin yighini uyushturdi.
ughur shahin wirusqa qarshi turushtiki hemkarliqning muhimliqini tekitlep: «bu wirusning biz bilen turushni dawamlashturidighanliqi nahayiti éniq, bu peqet 2021- we 2022- yilining ötkünchi mesilisi emes. belki kelgüsi 10 yilning musheqqetlik mesilisi» dédi.
waksinaning tarqitilishi we ishlitilishide barawerlikke kapaletlik qilishni xalaydighanliqini bayan qilghan özlem türejimu xelqara hemkarliqning bu jehettiki ehmiyitini tekitlidi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.