dubey melikisi latifening bir widéosi ashkarilandi

2018-yili dölitidin qachmaqchi bolghanda tutulup qalghan dubey emirining qizi melike latifening dostlirigha mexpiy ewetken bir widéo ashkarilandi. widéoda melike latife dadisini «özini görüde tutush» bilen eyibleydu.

1585302
dubey melikisi latifening bir widéosi ashkarilandi

türkiye awazi radiyosi xewiri: dubey emiri bin rashid el mextumning qizi melike latife dölitidin qéchip ketmekchi bolghan, emma tutulup qalghan idi.

melike latife dubeyge mejburiy élip kétilishtin burun dostlirigha widéo ewetip, béshidin ötkenlirini bayan qilghan idi.

munchida yanfon bilen tartilghan widéoda, melike latife dadisini özini «görüde tutush» bilen eyibleydu.

u: «dérizisi we ishikliri quluplanghan bir dachida görüde tutup turuluwatimen. sirtta besh, ichide ikki saqchi bar. men her qandaq shekilde hawalinish üchün sirtqa chiqalmaymen» dédi.

melike latife qachan erkinlikke chiqidighanliqini bilmeydighanliqini we jan bixeterlikidin endishe qiliwatqanliqini bildürdi.

u qandaq tutup kélingenlikinimu bayan qilip, qachqan qolwaqqa tutushqa kelgen eskerlerge qarshiliq körsetkenlikini, peshwa atqanliqini, hetta bir eskerning qolini chishliwalghanliqini eskertti.

melike latifening widéosi dostliri we bir kishilik hoquq adwokati teripidin b b s gha bérildi.

melike latife 2018-yili bir firansuzning yardimi bilen dubeydin qolwaq bilen qéchip hindistan déngiz tewelikige kelgende tutulup qalghan we qayturup kétilgen idi.

dunyadiki nurghun kishilik hoquq qoghdighuchisi melike xalimisimu dubeyge élip kétilgenlikini, shunga buning «élip qéchish» ikenlikini ilgiri sürüp, «latifeni qoyup ber» namida seperwerlik herikiti bashlighan idi.



مۇناسىۋەتلىك خەۋەرلەر