بابتا ئاپتوموبىل بومبا ھۇجۇمى يۈز بەردى

تۈركىيە ئاۋازى رادىيوسى خەۋىرى: سۈرىيەنىڭ شىمالىدىكى باب ناھىيەسىدە يۈز بەرگەن تېررورلۇق ھۇجۇمىدە دەسلەپكى تەكشۈرۈشلەرگە ئاساسلانغاندا، بىر كىشى قازا قىلدى، ئۈچ كىشى يارىلاندى.

ئوت ئۆچۈرۈش خادىملىرى پارتلاش پەيدا قىلغان ئوت ئاپىتىگە مۇداخىلە قىلدى.

پارتلاش ئەتراپتىكى دۇكان ۋە ئاپتوموبىللارغىمۇ زىيان يەتكۈزدى.

نەق مەيداندا تەكشۈرۈش ئېلىپ بارغان يەرلىك خەۋپسىزلىك كۈچلىرى دىققىتىنى ھۇجۇمنى بۆلگۈنچى تېررورلۇق تەشكىلاتى پ ك ك / ي پ گ نىڭ سادىر قىلغان بولۇش ئېھتىماللىقىغا مەركەزلەشتۈردى.