iran bilen rusiyening manéwirigha hindistanmu qatnashti
iran we rusiye déngiz armiyeliri umman déngiz we hindi okyanning shimalida ötküzgen manéwirgha, hindistanningmu qatnishidighanliqi élan qilindi.
türkiye awazi radiyodi xewiri: iran déngiz armiyesining qomandani hüseyin xanzade dölet taratqusida élan qilghan bayanatida, bügün (2021-yili 16-féwral) bashlanghan «déngizchilik xewpsizlik chembiriki» dep nam bérilgen ikki künlük manéwir toghrisida melumat berdi.
u hindistan déngiz armiyesiningmu iran we rusiye déngiz armiyesi bilen manéwirgha qatnishidighanliqini eskertip: «burunqi manéwirgha xitay déngiz armiyesi qatnashqan idi. bu qétimqi manéwir ularning chaghinigha toghra kelgenliki üchün qatnashmidi. bu yilqi (2021) manéwirning alahidiliki bolsa, hindistan armiyesining qatnashqanliqi hésablinidu. hindistan déngiz armiyesining manéwirgha qatnishishi nahayiti muhim» dédi.
manéwirning bayanatchisi gulam tehani, bu qétimqi manéwirning hindi okyanning shimali we umman déngizigha 17 ming kilométir kélidighan keng jayni öz ichige alidighanliqini bildürdi.
gulam tehani xelqaraliq déngiz sodisining bixeterlikini kücheytish, déngiz qaraqchilirigha qarshi küresh, déngiz térrorizmi, izdesh we qutquzush saheliri boyiche uchur almashturush we taktikiliq heriketler boyiche tejribe almashturush qatarliq témilarning, bu qétimqi manéwirning meqsiti ikenlikini eskertti.
2019-yili dékabir éyidimu oxshash rayonda, iran, rusiye we xitay manéwir ötküzgen idi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
