erbil ayrodurumi bashqurulidighan bomba hujumigha uchridi

iraqning erbil shehiride amérika herbiy bazisi jaylashqan ayrodurumgha qilinghan bashqurulidighan bomba hujumida, bir kishi jénidin ayrilip, alte kishi yarilandi.

1584358
erbil ayrodurumi bashqurulidighan bomba hujumigha uchridi

türkiye awazi radiyodi xewiri: iraqning erbil shehiridiki amérika herbiy bazisi jaylashqan ayrodurum bashqurulidighan bpomba hujumigha uchridi.

amérika bashchiliqida térrorluq teshkilati daéshqa qarshi qurulghan birleshme qisim, erbildiki ayrodurumgha qilinghan hujumda, bir ayrodurum xadimining jénidin ayrilghanliqini, besh toxtamliq xadim bilen bir amérikaliq eskerning yarilanghanliqini élan qildi.

iraq bash ministiri mustafa elkazimining erbil ayrodurumigha qilinghan hujumni tekshürüsh üchün yolyoruq chüshürgenliki bildürüldi.

shimaliy iraq kürt (kord) hökümitining bash ministiri barzani erbil shehirige qilinghan bashqurulidighan bomba hujumini «térrorluq hujumi» dep atidi we qattiq eyiblidi.

u xewpsizlik tarmaqlirigha tekshürüshni bashlash yolyoruqi chüshürgenlikini bildürüp: «bash ministir mustafa elkazimi bilen hemkarliship, bu térrorluq hujumining arqisidiki jinayetchilerni tépishning yolliri üstide söhbetleshtim» dédi.

amérika tashqi ishlar minstiri antony blinkén hujumdin kéyin barzani bilen körüshüp, uni amérikaning qollaydighanliqini eskertti.

u: «hujumni tekshürüsh we jinayetchilerni tutush tirishchanliqlirini qollaydighanliqimizni bildürüsh üchün bash ministir barzani bilen weqe heqqide söhbetleshtuq» dédi.

bu jeryanda, shimaliy iraq rayonluq kürt hökümitining xewpsizlik agéntliqigha qarashliq térrorluqqa qarshi turush qismi erbildiki hujum toghrisida yazma bayanat élan qildi.

bayanatta, xewpsizlik tarmaqlirining erbilge étilghan bashqurulidighan bombilarning étish mashinisini tapqanliqi we tekshürüsh axirlashqandin kéyin téximu köp uchurlarning ashkarilinidighanliqi qeyt qilindi.

amérika iewpsizlik menbeliridin igilengen melumatlargha asaslanghanda, tünügün (2021-yili 15-féwral) kéche erbil ayrodurumigha 14 rakéta chüshken. bularning 10 danisi amérika eskerlirining turalghulirining sirtigha chüshken bolup, töt danisi turalghu jaylirigha chüshken.



مۇناسىۋەتلىك خەۋەرلەر