b d t somaliliqlargha yardem toghruluq chaqiriqta boldi
birleshken döletler teshkilati bu yil 5 milyon 900 ming somaliliqqa yardem bérish üchün 1 milyard dollar lazimliqini uqturdi.
türkiye awazi radiyosi xewiri: birleshken döletler teshkilati insanperwerlik ishlirini maslashturush ishxanisi teripidin élan qilinghan bayanatta, su, chéketke we qurghaqchiliq apetliri, hemde «kowid – 19» yuqumi qatarliq sewebler tüpeyli, somalidiki 2 milyon 700 ming kishining acharchiliq xewipige duch kéliwatqanliqi eskertildi.
2 milyon 600 ming somaliliqning tebiiy apetler we toqunushlar sewebidin öy-makanliridin ayrilip qalghanliqi qeyt qilinghan bayanatta, bu yil 5 milyon 900 ming kishining insanperwerlik yardimige mohtaj ikenliki otturigha qoyuldi.
döletning somaliland, pontland, galmudug we jubaland ölkirilide suning éghir derijide kemchil boluwatqanliqi bildürülgen bayanatta, insanperwerlik mudaxile üchün, bu yil xelqaraliq shériklerdin texminen 1 milyard dollar telep qilinidighanliqi tekitlendi.
birleshken döletler teshkilati we shérikliri, bultur bu dölette 820 milyon dollar insanperwerlik yardem xizmiti ishligenidi.
