dunya sehiye teshkilati heyiti wuxendiki paaliyetlirini bashlidi

türkiye awazi radiyosi xewiri: dunya sehiye teshkilati heyiti, sahediki tunji tekshürüshi üchün, yuqum otturigha chiqqan deslepki künlerde bimarlar dawalanghan xubéy xitay we we gherb tébabiti uniwérsal rayonluq doxturxanisini ziyaret qildi. heyet ziyaret harpisida lyang wanniyen bashchiliqidiki xitay döletlik sehiye komitéti heyetliri bilen körüshti.

dunya sehiye teshkilati mutexessisliri, aldimizdiki künlerde yuqumlinish ehwali tunji qétim otturigha chiqqan xuenen déngiz mehsulatliri yémeklik baziri we «kowid – 19» yuqumi institutida tekshürüsh élip bérishni pilanlanlimaqta.

amérika qoshma ishtatliri, awstraliye, gérmaniye, yaponiye, engliye, rusiye, gollandiye, qatar we wéytnamdin mutexessisler we tetqiqatchilardin teshkil tapqan heyet, 14 – yanwar küni mexsus ayropilan bilen wuxen shehirige ketkenidi.

sheherge yétip barghandin kéyin, 14 künlük karantin astigha élinghan heyet, bu basquchta xitay dairiliri bilen tor yighinlirini ötküzüp, uchur almashturghanidi.

dunya, «kowid – 19» yuqumidin tunji qétim, 2019-yili,  31 – dékabir küni, xubéy ölkisige qarashliq wuxen shehiride «menbesi namelum sirliq nepes yoli késellikliri» ning otturigha chiqqanliqidin,  dunya sehiye teshkilatining doklati arqiliq xewer tapqanidi.