putin istratégiyelik qorallarni qisqartish shertnamisining mudditini uzartish qararini dumagha sundi

türkiye awazi radiyosi xewiri: rusiye parlaméntining töwen qaniti — dumaning tor bétidiki uchurlargha qarighanda, putinning testiqlash üchün sunghan qarari yéngi istratégiyelik qorallarni qisqartish shertnamisiining besh yilliq, yeni 2026 – yili 5 – féwralghiche uzartilishini mezmun qilidiken.

kirémil sariyi tünügün bayanat élan qilip, putin bilen amérika qoshma ishtatliri pirézidénti jo baydinning téléfon söhbitide, tereplerning yéngi istratégiyelik qorallarni qisqartish shertnamisining mudditini uzartish toghrisida sözleshkenlikini bildürgenidi.

amérika qoshma ishtatlirining sowét rusiyesi bilen 1991- yili we rusiye fédératsiyesi bilen 1993 – yili imzalighan istratégiyelik qorallarni qisqartish shertnamilirining dawami süpitidiki yéngi istratégiyelik qorallarni qisqartish shertnamisi, washington bilen moskwa ottturisidiki eng axirqi yadro qorali kélishimi hésablinidu.

shertname yiraq musapilik yadro qoralliri bilen bashqurulidighan bombilargha cheklime qoyushni mezmun qilidu.

2011- yili 5- féwralda ijra qilinishqa bashlighan 10 yilliq shertnamining mudditi 2021- yili 2- ayda toshidu.