firansiyede köchmenlerge qarshi radikal ongchil guruppa üstidin délo turghuzuldi

türkiye awazi radiyosi xewiri: dölet metbuatlirining xewerlirige asaslanghanda,  saynt gawdéns jumhuriyet teptish mehkimisi köchmenlerge qarshi bayanatliri bilen naraziliq qozghighan radikal ongchil guruppa «Gene Identitaire»,  üstidin tekshürüshni bashlighan.

radikal ongchil guruppa aldinqi hepte özlirining «köchmenlerge qarshi urush achqanliqini» we «chégralarni kontrol qilish üchün heriketke ötkenliklirini» élan qilghan idi.

nurghunlighan fransiyelik we chetellik ziyaliylar  bilen paaliyetchiler bu irqchiliq pozitsiyesi we bayanatliri sewebidin guruppigha naraziliq bildürgen idi.

naziliqlardin kéyin, ichki ishlar ministiri gérald darmanin «Gene Identitaire» guruppisining  köchmenlerni hujum nishani qilghan bayanatlirini «setchilik» dep teripligen hemde bu guruppining tarqiwétilishini hökümetning kün tertipige élip kélidighanliqini élan qilghan idi.

köchmenlerni, chetelliklerni bolupmu musulmanlarni kemsitish pozitsiyesi we shoarliri bilen tonulghan radikal ongchil «Gene Identitaire» guruppisining 30 gha yéqin ezasi 19-yanwarda firansiyede köchmenlerge qarshi heriket bashlighanliqlirini we köchmenlerning fransiyege kirishining aldini élish üchün özlirining «chégra charlighuchiliri» teyinleydighanliqlirini élan qilishqan idi.