yaponiye: hindi-tinch okyandiki xirislargha qarshi yawropa bilen munasiwetni kücheytishni xalaymiz
yaponiye hindi- tinch okyan rayonida qanunni asas qilghan tertipni saqlap qélish üchün yawropa ittipaqi döletliri bilen bolghan munasiwetni tereqqiy qildurushni nishan qilghanliqini élan qildi.
türkiye awazi radiyosi xewiri: yaponiye tashqi ishlar weziri motégi toshimitsu. yawropa ittipaqigha eza döletler tashqi ishlar ministirlirining yawropa ittipaqi tashqi munasiwet kéngishi qerellik yighinigha sin körünüshlük ishtirak qildi.
ministir motégi hindi-tinch okyan rayonining bixeterliki qatarliq asasliq xirislarni otturigha qoyup, amérika qoshma ishtatlirini öz ichige alghan «oxshash pikirdiki» shériklerning hemkarlishish qedemlirining xushallinarliq ehwal ikenlikini éytti we sözini dawamlashturup: «hindi-tinch okyandiki küch tengpungluqida zor özgirish boluwatidu. bixeterlik, démokratiye we kishilik hoquq xirisqa duch kelmekte؛ buni sherqiy we jenubiy xitay déngizida körgili bolidu» dégenlerni qeyt qildi.
u, dölitining qanun bilen idare qilish we déngiz sepiri erkinliki asasida «erkin we ochuq hindi-tinch okyan» tesewwurini emelge ashurush üchün yawropa ittipaqi bilen hemkarliqni tereqqiy qildurushni nishan qilghanliqini tekitlidi.
kyodo agéntliqi, yaponiyening mezkur yighingha tunji qétim, shundaqla yawropa ittipaqining telipige asasen qatnashqanliqini xewer qildi.
2018- yili jenubiy koréye tashqi ishlar ministiri we 2019- yili xitay tashqi ishlar ministiri bu yighingha qatnashqanidi.
