италийәдә баш министири истипа беришни ойлашмақта
италийәдә баш министир җусеппе конте министирлар кеңиши йиғини чақирип, кабинетқа өзиниң истипа беришни ойлишиватқанлиқини елан қилидиған болди.
түркийә авази радийоси хәвири: 13-йанварда италийәдики төт партийә иттипақиниң парчилиниши билән башланған һөкүмәт кризисиниң йеңи бир бурулушқа қәдәм қойиши мөлчәрләнмәктә.
италийә баш министирлиқи тәрипидин елан қилинғани йазма байанатта, министирлар кеңишиниң бүгүн чақирилидиғанлиқи тәкитлинип, «баш министир җусеппе конте истипа бериш тәлипини пирзидентқа йоллайдиғанлиқини министирлириға елан қилиду. баш министир конте кабинет йиғинидин кейин президент сергийо маттарелла билән көрүшиду» дейилди.
италийә мәтбуатлириниң хәвәрлиридә, италийә вива партийәсиниң иттипақтин айрилишидин кейин, кеңәш палатасидики көп санлиқ нисбити хәвипкә дуч кәлгән контениң әдлийә министири алфонсо бонафеда үчүн кеңәш палатасидики беләт ташлашта, һөкүмәтниң аз беләт елиш еһтимали бекитилгәнлики сәвәбидин истипа беришни күнтәртипкә елип кәлгәнлики билдүрүлмәктә.
контениң өз рәһбәрлики астида парламентта техиму күчлүк иттипақ қуруш вә бу һәқтә президентниң мәслиһәт елип баралиши үчүн истипа беридиғанлиқи тәкитләнмәктә.
