amérika: türkiye - girétsiye izdinish söhbetlirining eslige keltürülgenlikini qarshi alimiz
amérika tashqi ishlar ministirliqi bayanatchisi néd prays, girétsiye bilen türkiye otturisidiki izdinish söhbetlirining eslige kelgenlikini qarshi alidighanliqini bildürdi.
türkiye awazi radiyosi xewiri: amérika tashqi ishlar ministirliqi bayanatchisi néd prays tiwittérdiki adrési arqiliq bayanat élan qilip: «amérika, türkiye bilen grétsiyening izdinish söhbetlirining istanbulda qaytidin bashlighanliqini we her ikki hökümetning bu basquchqa emel qilidighanliqi toghrisidiki wedisini qarshi alidu. biz sherqiy aqdéngiz jiddiychilikini peskoygha chüshürüsh yolidiki barliq tirishchanliqlarni qollaymiz» dédi.
türkiye bilen girétsiye otturisidiki izdinish söhbetlirining 61 – nöwetlik aylanma söhbiti tünügün istanbulda ötküzülgenidi.
diplomatik menbelerdin élinghan uchurlargha qarighanda, dolmabahche sariyida ötküzülgen söhbette, 60 – nöwetlik aylanma söhbettte muzakire qilinghan mesililer muhakime qilinip, nöwettiki weziyet we eng yéngi özgirishler bilen bu mesililer üchün kelgüside tashlashqa bolidighan qedemler muzakire qilinghanidi.
terepler 62- nöwetlik izdinish söhbitining girétsiyening paytexti atinada ötküzülüshi toghrisida birdeklik hasil qilghanidi.
