америка: түркийә - гиретсийә издиниш сөһбәтлириниң әслигә кәлтүрүлгәнликини қарши алимиз

америка ташқи ишлар министирлиқи байанатчиси нед прайс, гиретсийә билән түркийә оттурисидики издиниш сөһбәтлириниң әслигә кәлгәнликини қарши алидиғанлиқини билдүрди.

1570987
америка: түркийә - гиретсийә издиниш сөһбәтлириниң әслигә кәлтүрүлгәнликини қарши алимиз

түркийә авази радийоси хәвири: америка ташқи ишлар министирлиқи байанатчиси нед прайс тивиттердики адреси арқилиқ байанат елан қилип: «америка, түркийә билән гретсийәниң издиниш сөһбәтлириниң истанбулда қайтидин башлиғанлиқини вә һәр икки һөкүмәтниң бу басқучқа әмәл қилидиғанлиқи тоғрисидики вәдисини қарши алиду. биз шәрқий ақдеңиз җиддийчиликини пәскойға чүшүрүш йолидики барлиқ тиришчанлиқларни қоллаймиз» деди.

түркийә билән гиретсийә оттурисидики издиниш сөһбәтлириниң 61 – нөвәтлик айланма сөһбити түнүгүн истанбулда өткүзүлгәниди.

дипломатик мәнбәләрдин елинған учурларға қариғанда, долмабаһчә сарийида өткүзүлгән сөһбәттә, 60 – нөвәтлик айланма сөһбәтттә музакирә қилинған мәсилиләр муһакимә қилинип, нөвәттики вәзийәт вә әң йеңи өзгиришләр билән бу мәсилиләр үчүн кәлгүсидә ташлашқа болидиған қәдәмләр музакирә қилинғаниди.

тәрәпләр 62- нөвәтлик издиниш сөһбитиниң гиретсийәниң пайтәхти атинада өткүзүлүши тоғрисида бирдәклик һасил қилғаниди.


 



مۇناسىۋەتلىك خەۋەرلەر