«<تىنچلىق بۇلىقى> ھەربىي ھەرىكىتى» رايونىدا تېررورلۇق ھۇجۇمى يۈز بەردى
سۈرىيەنىڭ شىمالىدىكى ئۆكتىچىلەرنىڭ كونتروللۇقىدىكى تەلئەبياد ناھىيەسىدە يۈز بەرگەن تېررورلۇق ھۇجۇمىدا 2 پۇقرا ھاياتىدىن ئايرىلدى.
تۈركىيە ئاۋازى رادىيوسى خەۋىرى: تەلئەبياد ناھىيەسىدە موتوسىكلىتقا ئورۇنلاشتۇرۇپ قويۇلغان بومبىنىڭ پارتلىتىلىشى نەتىجىسىدە 2 پۇقرا جېنىدىن ئايرىلدى، ئىككىسى يارىلاندى، يارىدارلاردىن ئەھۋالى ئېغىر بولغىنى تۈركىيەگە كەلتۈرۈلدى.
نەق مەيداننى تەكشۈرگەن يەرلىك خەۋپسىزلىك كۈچلىرى، ھۇجۇمنىڭ بۆلگۈنچى تېررورلۇق تەشكىلاتى ي پ گ/ پ ك ك تەرىپىدىن ئېلىپ بېرىلغان بولۇش ئېھتىماللىقى ئۈستىدە ئىزدەنمەكتە.
سۈرىيەنىڭ شىمالىدىكى تەلئەبياد ناھىيەسى مەركىزى، 2019 – يىلى، 13 – ئۆكتەبىر كۈنى، «<تىنچلىق بۇلىقى> ھەربىي ھەرىكىتى» ئارقىلىق تېررورىزمدىن تازىلانغانىدى.
ئىگىلىنىشىچە، بۆلگۈنچى تېررورلۇق تەشكىلاتى ي پ گ/ پ ك ك، ئىشغالىيىتىنى داۋاملاشتۇرۇۋاتقان ئەين ئىسا ۋە تەلتەمىر رايونلىرىدىن پات – پات «<تىنچلىق بۇلىقى> ھەربىي ھەرىكىتى» ئارقىلىق تېررورىزمدىن تازىلانغان رەسۇلەين ۋە تەلئەبياد رايونلىرىغا تېررورلۇق ھۇجۇملىرىنى ئېلىپ بارىدىكەن.
مۇناسىۋەتلىك خەۋەرلەر
فىلىپپىن بىخەتەرلىك قىسىملىرى دائېشقا زەربە بېرىش ھەرىكىتى ئېلىپ باردى
فىلىپپىن بىخەتەرلىك قىسىملىرى دائېش بىلەن چېتىشلىقى بار 12 تېررورچىنى ئۇجۇقتۇرغانلىقىنى ئۇقتۇردى.