hindistanning jumhuriyet bayrimi murasimi déhqanlar qozghilingigha oxshap qaldi
hindistanning paytexti yéngi déhlida, jumhuriyet bayrimi murasimliri jeryanida tiraktorliri bilen namayish qilghan we namayish meydanidin chiqmaqchi bolghan déhqanlargha bixeterlik qisimliri mudaxile qildi.
türkiye awazi radiyosi xewiri: sheherning ikki chétidin namayishqa qatnashqan tikri we singu déhqanlar guruppisim oxshimighan 6 nuqtidin yéngi déhligha kirishi mölcherlengen we saqchilar tosaqlarni qurup, linye sézip bergen dairidin halqip ketti. shuning bilen saqchilar namayishchi déhqanlargha yash aqquzush bombisi étip mudaxile qildi.
saqchilarning tosaqlirini bösüp ötken déhqanlarmu mashina we tiraktorlirini jumhuriyet bayrimi murasimi ötküzüliwatqan sheher merkizige qarap heydeshke bashlidi.
jumhuriyet bayrimi murasimi paaliyetlirining aqsap qalmasliqi üchün sheher merkizide namayish qilishi cheklengen bolup, namayishchilar bilen saqchilar otturisida téximu köp toqunush yüz béris éhtimali barliqi tilgha élinmaqta.
yéngi déhli saqchi idarisi déhqanlarning 12 ming tiraktor bilen 64 kiwadirat kilométirliq bir rayonda belgilengen kirish – chiqish nuqtilirinila ishletken asasta namayish qilalaydighanliqini élan qilghan idi.
hindistanda 2020-yili sintebirde maqullanghan we déhqanchiliq sahesige erkinleshtürüsh élip kelgen 2 qanunning asasi baha we qollap sétiwélish siyasitige xatime béridighanliqi hemde wasitichi shirketlerning sétiwilish bahasini töwenlitip, axirida déhqanlarni yersiz qalduridghanliqi ilgiri sürlüp, déhqanlar arisida qattiq naraziliq qozghighan idi.
