baydin makron bilen téléfonlashti
amérika qoshma ishtatliri pirézidénti jo baydin firansiye pirézidénti émanuél makron bilen téléfonliship, ikki dölet munasiwitini kücheytishning zörüriyitini tekitlidi.
türkiye awazi radiyosi xewiri: aqsaray yazma bayanat élan qilip, 20- yanwar qesem bérip amérika qoshma ishtatlirining 46- nöwetlik pirézidénti süpitide wezipe öteshni bashlighan jo baydinning tünügün émanuél makron bilen téléfonlashqanliqini uqturdi.
téléfon söhbitide baydénning makrongha «eng kona ittipaqdishi» firansiye bilen bolghan ikki terep munasiwitini kücheytishni xalaydighanliqini bildürgenlikige isharet qilinghan bayanatta, amérikaning shimaliy atlantik okyan ehdi teshkilati – nato we yawropa ittipaqini öz ichige alghan atlantik okyan halqighan munasiwetni yaxshilash wedisini qayta tekitligenliki qeyt qilindi.
ikki rehberning kélimat özgirishi, kowid -19, yer shari iqtisadining eslige kélishi qatarliq ortaq mesililerni hel qilishta yéqindin hemkarlishishning zörürlüki toghrisida birlikke kelgenliki eskertilgen bayanatta, xitay, ottura sherq, rusiye we sahél qatarliq tashqi siyasetning muhim nuqtiliri üstide ortaq heriket qilish jehettimu hempikir ikenliki tekitlendi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.