baghdatta adem bomba hujumi qilghuchining seudi erebistanliq emes, iraqliq ikenliki bildürüldi
iraq armiyesi 21-yanwar peytext baghdatta yüz bergen we 32 kishining jénigha zamin bolghan 2 adem bomba hujumini sadir qilghuchining iraq puqrasi ikenlikini élan qildi.
türkiye awazi radiyosi xewiri: iraq qoralliq qisim bash qomandanliq ishtabining bayanatchisi yehya resul dölet téléwiziyesige bergen bayanatida, baghdatning merkizidiki tayaran meydani kona buyumlar we kiyim-kéchekler sétilidighan hemde daim töwen kirimlik kishiler köp kélidighan bazardiki hujumgha munasiwetlik eng yéngi ilgirileshler heqqide melumat berdi.
bayanatchi yehya resul: «saqchilarning hujumgha alaqidar igiligen melumatliri weqe sadir qilghuchilarning iraq puqrasi ikenlikini körsitip béridu» dédi.
yehya resul ijtimaiy alaqe torida adem bombilardin birsining seudi erebistanliq ikenlikige dair resimler hembehirlengenlikini, biraq mezkur kishining xéli burunla öz dölitidiki bir paaliyette bedinige téngilghan bombini partlitip ölgen kishi ikenlikini éytti.
paytext baghdatta 21-yanwar bir bazargha qilinghan hujumda 32 kishi qaza qilip, 110 kishi yarilanghan idi.
hujumning jawabkarliqini térorluq teshkilati daésh öz üstige alghan idi.
مۇناسىۋەتلىك خەۋەرلەر
pelestinning yéngi kabénti testiqlandi
pelestinning yéngi bash ministiri muhemmed mustafa kabéntini dölet reisi mehmut abbasqa sundi.