amérika- engliye mudapie ministirliri xitaygha bolghan endishilerni muzakire qildi
amérika dölet mudapie ministiri ostin engiliye dölet mudapie ministiri wallés bilen téléfonda söhbetleshti. söhbette ikki dölet munasiwitining muhimliqi tekitlendi.
türkiye awazi radiyosi xewiri: amérika dölet mudapie ministirliqining bayanatchisi jon kirbi jüme küni dölet mudapie ministirliqi wezipisini bashlighan ostinning engiliyelik mensepdishi bilen téléfonda söhbetleshkenlikini élan qildi.
amérika dölet mudapie ministirliqi (beshburjeklik bina) ning bayanatida, ikki dölet mudapie ministirlirining (kowid -19) yuqumigha qarshi küresh, xitaygha bolghan endishiler, rusiye tehditliri, iraq we afghanistanda élip bériliwatqan heriketler qatarliq istratégiyelik ortaq menpeet asasidiki mesililerde pikir almashturghanliqi bildürüldi.
bayanatta ikki dölet otturisida bu qétim maqullanghan mudapie hemkarliq qararlirining mohim ehmiyiti tekitlendi.
ostinning söhbette, engliyening amérika-engiliye shériklik munasiwitige bolghan sadaqitidin memnun bolghanliqini tilgha alghanliqi uqturuldi.