boris jonson amérikaning yéngi pirézidénti jo baydén bilen körüshti
engliye bash weziri boris jonson amérika pirézidénti jo baydén bilen téléfonda körüshti.
türkiye awazi radiyosi xewiri: engliye bash wezirlik 10-nomurluq ishxanisining bayanatigha asaslanghanda, boris jonson jo baydinni wezipisini bashlighanliqi munasiwiti bilen tebrikligen hemde ikki dölet otturisidiki yéqin ittipaqdashliqni téximu chongqurlashturushni xalaydighanliqini tilgha alghan.
bash wezir jonson baydénning kélimat özgirish mesilisige munasiwetlik parizh kélishimige qaytidin qoshulush qararidin memnun bulghanliqini tekiligen.
ikki rehber kowid-19 sewebidin dunya duch kelgen muhim xirislar bilen birge kélimat özgirishige qarshi küreshnimu muzakire qilghan.
jonson we baydén engliye bilen amérikaning bixeterlik we mudapie sahesidiki uzun muddetlik hemkarliqi asasida shimaliy atlantik ehdi teshkilati bilen birge kishilik hoquqni ilgiri sürüsh we démokratiyeni qoghdash qatarliq ortaq qimmet qarashlarda ching turidighanliqlirini qayta tekitleshken.
ikki rehber yene, ikki dölet otturisida tüzülüsh mumkinchiliki bolghan erkin soda kélishimining paydilirini muzakire qilghan we sharait yar bergen haman uchrishishqa qoshulghan.