борис җонсон американиң йеңи пирезиденти җо байден билән көрүшти
әнглийә баш вәзири борис җонсон америка пирезиденти җо байден билән телефонда көрүшти.
түркийә авази радийоси хәвири: әнглийә баш вәзирлик 10-номурлуқ ишханисиниң байанатиға асасланғанда, борис җонсон җо байдинни вәзиписини башлиғанлиқи мунасивити билән тәбриклигән һәмдә икки дөләт оттурисидики йеқин иттипақдашлиқни техиму чоңқурлаштурушни халайдиғанлиқини тилға алған.
баш вәзир җонсон байденниң келимат өзгириш мәсилисигә мунасивәтлик париж келишимигә қайтидин қошулуш қараридин мәмнун булғанлиқини тәкилигән.
икки рәһбәр ковид-19 сәвәбидин дунйа дуч кәлгән муһим хирислар билән биргә келимат өзгиришигә қарши күрәшниму музакирә қилған.
җонсон вә байден әнглийә билән американиң бихәтәрлик вә мудапиә саһәсидики узун муддәтлик һәмкарлиқи асасида шималий атлантик әһди тәшкилати билән биргә кишилик һоқуқни илгири сүрүш вә демократийәни қоғдаш қатарлиқ ортақ қиммәт қарашларда чиң туридиғанлиқлирини қайта тәкитләшкән.
икки рәһбәр йәнә, икки дөләт оттурисида түзүлүш мумкинчилики болған әркин сода келишиминиң пайдилирини музакирә қилған вә шараит йар бәргән һаман учришишқа қошулған.
