американиң теги африқалиқ дөләт мудапиә министири вәзипә өтәшкә башлиди

түркийә авази радийоси хәвири: кеңәш палатасида 2 гә қарши 93 аваз билән дөләт мудапиә министирлиқи қарарнамиси мақулланған лойд остин, дөләт мудапиә министирлиқида баш иштаб башлиқи генерал марк миллей вә муавин дөләт мудапиә министири дәйвид норвист тәрипидин қарши елинди.

остин, һәрқайси армийәләрниң қоманданлири вә баш катиплар билән көрүшкәндин кейин, тунҗи қетим, шималий атлантик әһди тәшкилатиниң баш катипи йенс столтенберг билән телефонлишиду, андин униңға, хитай мәсилиси вә оттура шәрқтә елип бериливатқан һәрбий һәрикәтләр һәққидә қисқичә мәлумат берилиду.

америка қошма иштатлириниң теги африқалиқ тунҗи дөләт мудапиә министири сүпитидә тарих сәһиписидин орун алған остин, 2016 – йили генерал унвани билән америка қошма иштатлири мәркизий қоманданлиқ иштабиниң қомандани болған мәзгилдә пенсийәгә чиққаниди.