iran nétanyahuning tebrik télégrammisiki irangha ait mezmungha naraziliq bildürdi

iran tashqi ishlar ministiri muhemmed jewad zarif iraq paytexti baghdadta yüz bergen hujum bilen isirailiye bash ministiri nétanyahuning bayanatliridiki ortaq meqsetning, amérikaning yéngi pirézidénti jo baydinni tuzaqqa chüshürüsh ikenlikini ilgiri sürdi.

1568845
iran nétanyahuning tebrik télégrammisiki irangha ait mezmungha naraziliq bildürdi

türkiye awazi radiyosi xewiri: iran tashqi ishlar ministiri muhemmed jewad zarif twittérda hembehirligen uchurida, tünügün (2021-yili 22-yanwar) baghdadta yüz bergen adem bomba hujumi we nétanyahuning baydinni tebriklep élan qilghan télégrammisidiki irangha munasiwetlik sözlirige inkas qayturdi.

u: «baghdadtiki térrorluq hujumliri we nétanyahuning meqsiti, amérikaning yéngi pirézidénti baydinni tuzaqqa chüshürüp, amérikaliqlarning jéni we mélini irangha qarshi isirap qilish. nétanyahuning échinishliq charesizlikke qarimay irangha qarshi tüzgen peskesh pilanliri muweppeqiyetsizlik bilen axirlishidu» dédi.

tünügün baghdad merkizi tayaran meydanida yüz bergen adem bomba hujumida, 32 kishining jénidin ayrilip, 110 kishining yarilanghanliqi élan qilinghan idi.

isirailiye bash ministiri nétanyahu 20-yanwar qesem bérip pirézidéntliq hoquqini tapshuruwalghan amérika pirézidénti baydinni tebriklep élan qilghan télégrammisida: «amérika-isirailiye ittipaqliqini téximu kücheytish, isirailiye bilen ereb dunyasi otturisidiki tinchliqni kéngeytishni dawamlashturush we asasliqi iran peyda qilghan tehdit qatarliq ortaq qiyinchiliqlar bilen yüzlishish üchün, siz bilen birge xizmet qilishni töt köz bilen kütimen» dégen idi.



مۇناسىۋەتلىك خەۋەرلەر