dunyada waba sewebidin jénidin ayrilghanlar 2 milyon 100 mingdin ashti

türkiye awazi radiyosi xewiri: amérikada wuxen wirusi sewebidin jénidin ayrilghanlar 420 ming 285 ke, yuqumlanghanlar sani 25 milyon 196 minggha yetti.

amérikaning yéngi pirézidénti jo baydin sehiye ishliri meslihetchisi antoni fawchi (Anthony Fauci): «amérikaliqlarning %85-70 i mushu yaz otturisighiche yaki axirighiche waksina emlettürse, küzde aziraq bolsimu normallishishimiz mumkin» dédi.

wuxen wirusi sewebidin 84 ming 202 kishi jéndin ayrilghan, 2 milyon 428 ming kishi yuqumlanghan italiyede, waksina bilen teminleshtiki kéchikishler sewebidin emlesh xizmetlirining körünerlik derijide astilap qalghanliqi bildürüldi.

ispaniyede yéqinqi 24 saette wuxen wirusi sewebidin 404 kishi jénidin ayrildi we jemiy san 55 ming 41 ge chiqti. oxshash waqitta, 44 ming 357 kishi yuqumlandi we jemiy san 2 milyon 456 ming 675 ke chiqti.

ispaniyede 2020-yili 27-dékabirdin bashlap 1 milyon 200 mingdin artuq kishining waksina emlettürgenliki qeyt qilindi.

portugaliyede wuxen wirusi sewebidin jénidin ayrilghanlar sani 9 ming 686 ge, yuqumlanghanlar sani 595 ming 149 gha chiqti. wuxen wirusigha munasiwetlik weqelerning köpiyishi sewebidin bashlanghuch mekteptin bashqa mektepler 25-yanwardin tartip ikki heptilik qoyup bérildi. qawaqxana, réstoran we magézinlarning xizmet waqitlirigha cheklime qoyuldi.

wuxen wirusi sewebidin jénidin ayrilghanlar 34 ming 561 ge, yuqumlanghanlar sani 1 milyon 457 ming 755 ke yetken polshada, malopolska (Malopolska) rayonida bir bémardin élinghan qan ewrishkiside, wirusning téz tarqilidighan yéngi türi bayqaldi.

ékwadorda amérika dora shirkiti fayzér bilen gérmaniyening biyonték shirkiti birlikte tetqiq qilip yasighan waksina emlinishke bashlandi.

ékwador hökümiti birnchi basquchluq waksina emleshte, sehiye saheside xizmet qilidighan 43 ming kishini emleshning nishan qilghanliqini bildürüldi.

ékwadorda hazirghiche wuxen wirusi sewebidin 236 ming 189 kishi yuqumlandi, 14 ming 526 kishi jénidin ayrildi.

hindistanda wuxen wirusi sewebidin jénidin ayrilghanlar 153 ming 67 ge, yuqumlanghanlar sani 10 milyon 626 ming 200 ge chiqti.

xitayning shangxey shehiride ikki doxturxana karantingha élindi. késelliklerni kontrol qilish we aldini élish merkizining xadimliri tekshürüshni bashlidi. xitayda yéqinqi 24 saette wirus sewebidin jénidin ayrilghanlar bolmidi, emma 103 kishining yuqumlanghanliqi bayqaldi.

yaponiye ichki kabénti doxturxanida wirusqa qarshi dawalinishni ret qilghan yaki xizmet qilish waqtigha chek qoymighan kishi we shirketlerge jerimane qoyush, hetta qamaq jazasi bérish teklip qilinghan ikki qanun layihesini qobul qildi.

misir darulifta (petwa idarisi) yéqinqi künlerde wuxen wirusigha munasiwetlik weqelerning köpiyishi sewebidin waksina emlitishke «wajip» dep petiwa berdi. misirda waksina emlesh ishliri tünügün (2021-yili 21-yanwar) sehiye xadimlirini emlesh bilen bashlandi.

afriqa qiteside wuxen wirusigha munasiwetlik ölümler otturiche nisbetning üstige chiqti. afriqa késelliklerni kontrol qilish we aldini élish merkizining diréktori jon nkéngasong (John Nkengasong), dunyada wuxen wirusi seweb bolghan ölüm nisbiti %2.2 bolghan bolsa, afriqada %2.5 bolghanliqini bildürdi.

afriqa qiteside wuxen wirusi sewebidin jénidin ayrilghanlar 81 mingdin ashti. yuqumlanghanlar sani 3 milyon 352 mingdin ashti.  

bezi döletlerdiki wuxen wirusigha munasiwetlik ölüm sanliri töwendikiche:

biraziliye 214 ming 228, méksika 146 ming 174, engliye 94 ming 580, firansiye 71 ming 998, gérmaniye 51 ming 151, kolombiye 50 ming 187, argnétina 46 ming 355, péru 39 ming 274, ukraina 21 ming 499, bélgiye 20 ming 572, rusiye 67 ming 837, iran 57 ming 157, jenubiy afriqa 39 ming 501 we hindonéziye 27 ming 203.